Maxfiylik siyosati

Bu siyosat Jaxongirman mobil ilovasi va jaxongirman.app sayti (keyingi o‘rinlarda — «Xizmat») qanday ma’lumotlarni yig‘ishi, ulardan nima uchun foydalanishi, kimga uzatishi, qancha saqlashi va qanday o‘chirishini tushuntiradi.

Qisqacha

• Reklama ko‘rsatmaymiz va ma’lumotlaringizni sotmaymiz.
• Ilovada kuzatuv (tracking), reklama identifikatori (IDFA, GAID) va uchinchi tomon analitika vositalari yo‘q.
• Siz yozgan matn va yuklagan fayllar faqat siz so‘ragan natijani tayyorlash uchun ishlatiladi.
• Akkauntingizni istalgan vaqtda ilovaning o‘zida o‘chirishingiz mumkin.

Qanday ma’lumotlar yig‘iladi

Akkaunt va profil

• Kirish ma’lumotlari: email manzil. Apple yoki Google orqali kirsangiz — shu xizmat bergan email va ism. Email va parol bilan ro‘yxatdan o‘tsangiz, parol faqat shifrlangan (hash) ko‘rinishda saqlanadi.
• Profil: ism va familiya, foydalanuvchi nomi, o‘zingiz haqingizda qisqa matn, avatar, o‘qish yoki ish joyi va yo‘nalishi, ilova tili va vaqt mintaqasi.

Siz yaratadigan kontent

• Taqdimotlar: mavzu va ko‘rsatmalar, slaydlar matni va rasmlari, siz yuklagan fayllar (PDF, DOCX, matn, rasm, PPTX) hamda eksport qilingan PDF va PPTX fayllar.
• Hujjatlar: ilmiy va mustaqil ishlar, taqdimot himoyasi matnlari.
• Obyektivka: siz kiritgan ma’lumotlar — F.I.Sh., tug‘ilgan yil va joy, millat, partiyaviylik, ma’lumoti va mutaxassisligi, ilmiy daraja va unvon, mukofotlar, mehnat faoliyati, qarindoshlar haqidagi ma’lumotlar (qarindoshlik darajasi, ism, tug‘ilgan yil, ish joyi, manzil) va 3×4 surat. Bu ma’lumotlar faqat hujjatingizni tayyorlash uchun saqlanadi va sun’iy intellekt xizmatlariga yuborilmaydi. Qarindoshlaringiz ma’lumotini kiritishdan oldin ularning roziligini oling.
• 3×4 surat varag‘i: siz yuklagan surat.

Ma’lumotlarni yig‘ish (so‘rovnomalar)

• So‘rovnoma yaratsangiz: savollar, sozlamalar va kelgan javoblar.
• So‘rovnomaga javob bersangiz: javoblaringiz, so‘rovnoma so‘ragan bo‘lsa — telefon raqami va yuklangan rasmlar. So‘rovnoma egasi javoblaringiz bilan birga ismingiz va foydalanuvchi nomingizni ko‘radi.
• Javoblar belgilangan saqlash muddati tugagach avtomatik o‘chiriladi; aniq muddat javob berish ekranida ko‘rsatiladi.
• Hozirgi standart saqlash muddati: 48 soat.
• So‘rovnoma egasi javoblarni XLSX yoki CSV fayl sifatida yuklab olishi mumkin. Yuklab olingan fayl uchun so‘rovnoma egasi javobgar — Foydalanish shartlariga qarang.
• Administratorlar so‘rovnoma javoblarini o‘qiy olmaydi.

O‘yingoh

• O‘yinga qo‘shilganda: taxallusingiz, tanlagan avataringiz, javoblaringiz, ballingiz va o‘rningiz. Taxallus va natijalar o‘yin davomida umumiy ekranda va boshqa ishtirokchilarga ko‘rinadi.
• O‘zingiz yaratgan o‘yinlar va savollar.

Do‘kon

• Mahsulot joylasangiz: mahsulot nomi, tavsifi, muqovasi va fayli. Mahsulot sahifasida ismingiz sotuvchi sifatida ko‘rsatiladi.
• Sotuvchi sifatida hisob-kitob uchun kiritgan telefon raqamingiz va Telegram foydalanuvchi nomingiz.
• Xaridlar va sotuvlar tarixi.

To‘lovlar va J Tanga

• Buyurtmalar: buyurtma raqami, nima uchunligi, summa, holat va sanalar.
• J Tanga harakatlari: hisobga tushgan, sarflangan, o‘tkazilgan va qaytarilgan tangalar tarixi.
• Bank kartasi: to‘lov paytida karta raqami va amal qilish muddati to‘g‘ridan-to‘g‘ri to‘lov provayderi Payme’ga uzatiladi. Biz karta raqamini, CVV kodini va SMS tasdiqlash kodini saqlamaymiz. Faqat kartaning yashirilgan ko‘rinishi, oxirgi 4 raqami va amal qilish muddati saqlanadi.

Qurilmalar va xavfsizlik

• Har bir kirilgan qurilma uchun: platforma (iOS, Android yoki veb), qurilma yoki brauzer nomi, ilova versiyasi, kirgan va oxirgi faol bo‘lgan vaqt. Bu ro‘yxatni Profil → Sozlamalar → Qurilmalar bo‘limida ko‘rasiz va istalgan qurilmani chiqarib yuborishingiz mumkin.
• Kirish xizmati xavfsizlik uchun sessiyaga tegishli IP manzil va brauzer yoki qurilma ma’lumotini (user agent) qayd etadi.

Yordam murojaatlari

• Murojaat mavzusi, yozishmalar, ilova qilingan skrinshotlar va ko‘rsatsangiz — buyurtma yoki tranzaksiya raqami.

Boshqa

• Bildirishnomalar: ilova ichidagi xabarlar (masalan, murojaatingizga javob keldi). Push-bildirishnoma xizmatlari ishlatilmaydi.
• Telegram orqali rasm tanlash (ixtiyoriy): slayd uchun rasmni Telegram bot orqali tanlasangiz, Telegram foydalanuvchi va chat identifikatori hamda qidiruv so‘rovi saqlanadi. Bunday sessiya 15 daqiqa amal qiladi.
• Talabalar marafoni (faqat marafon o‘tkaziladigan davrda): qatnashganingiz va kimga ovoz berganingiz. Kim ovoz bergani nomzodga ko‘rsatilmaydi.
• Texnik yozuvlar: sun’iy intellekt so‘rovlari soni, davomiyligi va xarajati — xizmat ishlashini kuzatish uchun.

Nima yig‘ilmaydi

• Joylashuv (geolokatsiya) va kontaktlar ro‘yxati.
• Ovoz yozuvlari: ilova mikrofondan foydalanmaydi.
• Reklama identifikatori va boshqa ilova yoki saytlar bo‘ylab kuzatuv ma’lumotlari.
• Kamera faqat QR kodni skanerlash uchun ishlatiladi; kadrlar saqlanmaydi va hech qayerga yuborilmaydi.
• Galereyaga faqat siz tanlagan rasmni yuklash uchun murojaat qilinadi.

Ma’lumotlardan nima uchun foydalanamiz

• Akkauntingizni yaratish, sizni tanish va Xizmatni ko‘rsatish.
• Siz so‘ragan taqdimot, hujjat va o‘yin savollarini sun’iy intellekt yordamida tayyorlash.
• To‘lovlarni amalga oshirish, J Tanga balansini yuritish va buxgalteriya hisobini olib borish.
• Yordam murojaatlariga javob berish.
• Xavfsizlik: suiiste’mol va firibgarlikning oldini olish, bepul boshlang‘ich imkoniyatlarni qayta-qayta olishga yo‘l qo‘ymaslik.
• Xizmat ishlashini kuzatish va xatolarni tuzatish.

Ma’lumotlaringizdan reklama, marketing profili tuzish yoki boshqa kompaniyalarga sotish uchun foydalanmaymiz.

Ma’lumotlar kimga uzatiladi

Ma’lumotlar faqat Xizmatni ko‘rsatish uchun zarur hajmda quyidagi provayderlarga uzatiladi:

Sun’iy intellektga yuboriladigan matnga keraksiz shaxsiy ma’lumot (telefon raqami, boshqa odamlar haqidagi ma’lumot va hokazo) yozmang.

Provayderlarning serverlari O‘zbekistondan tashqarida joylashgan bo‘lishi mumkin. Qonunda belgilangan hollarda ma’lumotlar vakolatli davlat organlarining so‘roviga ko‘ra berilishi mumkin.

Qancha saqlanadi

• Akkaunt va kontent: akkauntingiz mavjud ekan yoki o‘zingiz o‘chirmaguningizcha.
• So‘rovnoma javoblari: belgilangan muddat tugagach avtomatik o‘chiriladi.
• To‘lov, buyurtma va J Tanga yozuvlari: buxgalteriya va soliq qonunchiligi talab qiladigan muddat davomida — akkaunt o‘chirilgandan keyin ham, lekin sizni aniqlab bo‘lmaydigan ko‘rinishda.
• Yordam murojaatlari va qurilmalar ro‘yxati: akkaunt o‘chirilguncha.

Akkauntni o‘chirish

Ilovada: Profil → Hisob → «Hisobni o‘chirish». Nima o‘chishi va nima qolishi Akkauntni o‘chirish sahifasida batafsil yozilgan.

Sizning huquqlaringiz

• Profil ma’lumotlarini istalgan vaqtda ilovada o‘zgartirish.
• O‘z kontentingizni (taqdimot, o‘yin, so‘rovnoma va boshqalar) o‘chirish.
• Akkauntni butunlay o‘chirish.
• Sizga tegishli ma’lumotlar haqida so‘rash yoki ularning nusxasini olish — Yordam markazi orqali murojaat qiling.

Bolalar

Xizmatdan 13 yoshdan boshlab foydalanish mumkin. 16 yoshga to‘lmagan foydalanuvchilar Xizmatdan ota-onasi yoki qonuniy vakilining roziligi bilan foydalanadi. 13 yoshga to‘lmagan bolaning ma’lumoti yig‘ilganini bilsak, uni o‘chiramiz.

Xavfsizlik

• Barcha ulanishlar shifrlangan (HTTPS).
• Fayllar yopiq omborlarda saqlanadi va qisqa muddatli havolalar orqali ochiladi.
• Har bir foydalanuvchi ma’lumotlar bazasida faqat o‘z ma’lumotlarini ko‘ra oladi.
• Ma’lumotlarni o‘zgartiradigan administrator amallari jurnalga yoziladi.

Sayt va cookie fayllar

jaxongirman.app reklama yoki kuzatuv cookie fayllaridan foydalanmaydi. Saytda tizimga kirsangiz, sessiyangiz brauzeringiz xotirasida (localStorage) saqlanadi.

O‘zgarishlar

Siyosat o‘zgarsa, shu sahifa yangilanadi va pastdagi sana o‘zgaradi. Muhim o‘zgarishlar haqida ilova orqali xabar beramiz.

Bog‘lanish

• Ilovada: Profil → Yordam markazi → «Yangi murojaat»